7月來到最後一個交易日，用兩個字去形容今個月的戰況，青冰會用「陰乾」。市況實在太悶，昨天午市時睇個恆指，今年大概跌4%，如果計埋派息，跌2%左右啦，用2%來做一個界線，可以睇到有25隻成份股係跑輸，換言之都有25隻跑贏，但點解整體的氣氛咁差呢，其中一個原因就係幾隻火車頭都係跑輸，包括全城至愛的騰訊(0700)，只有11隻股跑輸俾佢。
死亡交叉，黃金交叉，其實有唔少的版本，趁市況冇野好講，留待明天再講多一點，今天主要講下騰訊(0700)。由於分析及評論其業績和前景的，實在有太多人做過，青冰都唔再花時間講，就以鬼佬成日用的一個指標，從高位回落20%稱為技術性進入熊市，呢個說法佢地沿用多年，當然唔會次次work，但如果長期唔work，應該唔會用到依家。
如果是一隻二三四線股，由高位回落20%，非常容易，所以以青冰的經驗告知，應用在細股係冇用的，至於大市值的藍籌股，除非有環球突發狀況發生，但高位回落20%，仲要係已經有一段時間，其實都反映緊一個趨勢，仲係幾可信架添，試想想，成日話大戶壓價收貨，要壓一隻幾千億的藍籌股係幾咁難，仲要壓一段較長的時間，殺晒當中...
See More
Search